Shkëlqimi i Mërgim Berishës me skuadrën e RB Salzburg në Ligën e Kampionëve kja bërë që shumë skuadra të vihen pas tij.

Sulmuesi kosovar me pasaportë gjermane, realizoi dje dy gola në duelin përballë Lokomotivës së Moskës teksa më parë i kishte shënuar po aq gola edhe gjigantëve të Bayern Munich.

Këto realizime dhe paraqitje fantastike nuk mund të kaloheshin pa u vënë re, andaj edhe kërkimet për të janë shtuar shumë. Në gjigantin mediatik “Transfermarkt”, Berisha është ndër futbollistët më të kërkuar.

Ai renditet i 8-ti, teksa para tij gjenden emra të mëdhenjë të futbollit botëror si Messi, Mbappe, Ronaldo, Haland, por edhe i ndjeri Diego Armando Maradona.

Pjesë e listës së më të kërkuarve të ditëve të fundit si për çudi janë edhe bashkëlojtari i tij, Dominik Szoboszlai si dhe debutuesi i Liverpool, Caoimhin Kelleher.

Kosovari pas vetës le emra të mëdhenjë të futbollit botëror si Eden Hazard dhe Bruno Fernandes.