Sot është prezantuar një projekt madhor me të cilin synohet që Kosova të bëhet vendi me stadiumin më të bukur në Ballkan.

Ministri i Kulturës, Rinisë dhe Sportit, Kujtim Gashi, bashkë me kryeparlamentarin Kadri Veseli kanë prezantuar projektin për të cilin thanë se do të jetë arenë e Dardanëve, shkruan Reporteri.net.

Mirëpo, projekti tani është vetëm në fazën e prezantimit, dhe tek tani do të nisin procedurat e shpalljes së tenderimit dhe ndjekjes së procedurave të tjera.

Reporteri mëson se punët për ndërtimin e këtij stadiumi pritet të nisin në shtator të këtij viti dhe do të përfundojnë, nëse ecet sipas planit të punës, pas dy vitesh punë.

Sidoqoftë, në prezantimin e këtij projekti u pa edhe ylli i Kosovës, Milot Rashica, i cili i duatrokiti stadiumit ku pritet të luajë pas pak kohësh.

Rashica i duartroket stadiumit të ri kombëtar të Kosovës

Ndryshe, Kosova i zhvillon ndeshjet në Stadiumin e Prishtinës, por ai nuk po përmbush kërkesat e kosovarëve për bileta pasi është i vogël./Reporteri.net