Lionel Messi dhe Cristiano Ronaldo kanë një rivalitet në fushë që më së shumti është krijuar nga vetë mediat dhe fansat e futbollit se sa nga vetë këta dy

Ylli argjentinas dhe ai portugez kanë dominuar botën e futbollit dekadën e fundit, ku të dy së bashku kanë fituar 10 ‘Topa të Artë’.

Messi në intervistën e fundit ka folur për Ronaldon, ku ka thënë se nuk ka ndonjë problem me të dhe se nuk mund të jenë shok pasi asnjëherë nuk e kanë ndarë së bashku dhomën e zhveshjes.

“Unë gjithmonë kam thënë që nuk kam ndonjë problem me të. Ne mund të mos jemi miq sepse kurrë nuk kemi ndarë një dhomë të zhveshjes, por gjithmonë e shoh atë në ceremoni të çmimeve dhe nuk ka asnjë problem,” ka thënë Messi.

“Ne në fakt kemi folur me njëri-tjetrin për një kohë mjaft të gjatë në ceremoninë e fundit,”.

Argjentinasi në fund foli edhe për darkën e përmendur nga CR7 në ceremoninë e fundit.

“Nuk e di nëse do të ketë një darkë sepse nuk e di nëse shtigjet tona do të na takojnë për arsye të dukshme, secili prej nesh ka jetën tonë dhe angazhimet tona. Por padyshim që unë do ta pranoja ftesën,”./Reporteri.net/