Ronaldinho feston ditëlindjen sot, teksa mbush 40 vjeç. Megjithatë duket se kjo është një nga ditëlindjet më të trishtuara për braziliani, pasi është i detyruar ta festojë atë në burg.

Në 6 mars ish-sulmuesi brazilian u arrestua së bashku me vëllain e tij në Paraguai, për shkak se kishin përdorur identitet të rremë.

Megjithatë urimet për Ronaldinhon në këtë 40 vjetor të tij nuk kanë munguar, teksa tërheq vëmendjen edhe urimi i Milanit. Kuqezinjtë në faqen zyrtare shkruajnë:

“Kur ai luante, ju buzëqeshnit. Gëzuar ditëlindjen Ronaldinho”.

?⚫️ When he played, you smiled ?
? #HBD @10Ronaldinho: 4⃣0⃣ ?#SempreMilan pic.twitter.com/f3AXOPcVTu

— AC Milan (@acmilan) March 21, 2020

Kujtojmë se braziliani luajti për 3 sezone me Milanin, ku u transferua në 2008-ën nga Barcelona dhe qëndroi deri në vitin 2011, për të kaluar më pas te Flamengo në Brazil.

Megjithatë 3 vite mjaftuan që Ronaldinho të vjedhë zemrat e tifozëve të Milanit dhe të kthehet në një idhull për ta.