AC Milan ka arritur të shënojë fitore në udhëtim ndaj Parmas me rezultat 1:3.

Ante Rebic e “bombardoi” portën në minutën e tetë pas asistimit të Ibrahimovic.

Franck Kessie e dyfishoi epërsinë në minutën e 44-të, e që ishte rezultati i pjesës së parë.

Në të dytën pamë dy gola të tjerë dhe një karton të kuq.

Ibrahimovic u ndëshkua direkt me të kuqin në minutën e 61-të, para se Gagliolo të ngushtonte epërsinë.

Krejt në fund të ndeshjes, Leao shënoi në minutën e 90+4 për rezultatin 1:3.

Me këtë fitore, Milani shkon në kuotën e 63 pikëve, tetë më pak se Interi i vendit të parë.