Futbollisti brazilian, Eder Militao është prezantuar sot si futbollisti më i ri i klubit të Real Madridit.

Pasi u kthye nga Kombëtarja e Brazilit, atje ku u shpall fitues i Kupës së Amerikës, Militao u prezantua sot përpara publikut spanjoll, shkruan Reporteri.net

Militao u prit nga një numër jo shumë i madh i tifozëve në stadium, derisa më vonë ai mbajti edhe një konferencë për media.

Braziliani ndërpreu konferencën në gjysmë për shkak të lodhjes dhe nervozës që e kishte kapluar në ato momente.

“Jam nervoz”, tha ai përpara se të vinte dorën tek balli dhe të linte konferencën.

Ndryshe, Militao u transferua nga skuadra e Portos për një shumë rreth 50 milionë euro./Reporteri.net/