Ndeshja kualifikuese për Kampionatin Evropian 2024, mes Belgjikës dhe Suedisë, u ndërpre të hënën pasi dy tifozë suedezë u qëlluan për vdekje, në Bruksel.

Me t’u marrë vesh lajmi, kombëtarja e Suedisë vendosi ta ndalojë ndeshjen, vendim ky që u respektua edhe nga skuadra nikoqire, Belgjika, shkruan Reporteri.net.

Lajmi nuk u prit mirë as nga tifozët. Mirëpo, kur kuptuan për ndodhinë, i gjithë stadiumi përnjëherësh, përfshi edhe tifozët belgë, kanë filluar të brohorasin “Suedia”.

Siç raportoi BBC më herët, nga një video e publikuar në rrjete sociale dyshohet se dorasi ka folur arabisht dhe vrasjen e ka kryer “në emër të zotit”.

Ky rast, nga autoritetet është kualifikuar si terrorizëm. /Reporteri.net/.