Jose Mourinho e ka cilësuar eleminimin nga Bayern Munich në gjysmëfinale të Ligës së Kampionëve si momentin më të keq në karrierën e tij të bujshme
Special One momenin më të vështirë në karrierë e ka pasur kur ishte trajner i Real Madridit, shkruan Reporteri.net
Bayern Munich e kishte eliminuar pas ekzekutimit të penaltive Realin e Mourinhos në gjysmëfinale të Ligës së Kampionëve, kur në skuadër kishte yje si Ronaldo, Kaka e Ramos.
“Nëse do të më duhej të zgjidhja momentin më të trishtuar të karrierës sime, është eleminimi kur isha trajner i Real Madridit,” ka thënë Mourinho.
“Ne ishim ekipi më i mirë në Evropë, e kishim fituar kampionatin me rekord pikësh dhe golash të shënuar. Do ta kishim fituar finalen e Championsit, po të shkonim atje, nuk kam asnjë dyshim për këtë.
“Gjëja më e tmerrshme është se për penaltitë zgjodha Ronaldon, Kakan dhe Ramosin. Atë natë bënë gabime, është diçka që më ka fundosur,”. /Reporteri.net/