Trajneri i Tottenhamit, Jose Mourinho, ka tentuar t’i kundërpërgjigjet Paul Mersonit lidhur me menaxhimin që po ia bën sulmuesit Harry Kane, i cili s’e ka vazhduar formën e mirë si golashënues nën drejtimin e portugezit.

Megjithatë, Mourinho tentoi ta mbrojë veten duke e krahasuar anglezin me ish-sulmuesit e tij, duke përdorur statistika të rreme.

Jose Mourinho është bërë i njohur shpeshherë për fjalimet e tij kritike në konferencat për shtyp gjatë viteve të fundit, transmeton Express.

Në vitin 2017 kishte folur se si gjyqtarët kanë agjendë kundër Chelseat të tij, e kishte ofenduar vetë klubin e tij, Manchester Unitedin, pasi kishte pësuar disfatë kundër Sevillas në Ligën e Kampionëve, dhe së fundi kur u kishte kërkuar gazetarëve ta respektojnë atë sepse i ka tre medalje të arta të Premierligës.

Megjithatë, fjalimi i tij i fundit në një konferencë për shtyp nuk u bë i famshëm shkaku i eksplozivitetit të tij, por pasi që ai i ekzagjeroi statistikat.

Pasi analisti i Sky Sports Paul Merson e kritikoi portugezin duke thënë se po e çon poshtë sulmuesin anglez Kane, i cili i ka shënuar shtatë gola në 11 ndeshje për Mourinhon, mirëpo që është kritikuar shkaku i paraqitjes së tij kundër Manchester Unitedit.

Mourinho iu përgjigj Mersonit duke thënë se ai di si duhet t’i menaxhojë sulmuesit, duke përmendur statistika për ish-sulmuesit e tij – Didier Drogba, Cristiano Ronaldo, Karim Benzema, Diego Milito dhe Zlatan Ibrahimovic – statistika që ishin të rreme.

Jose Mourinho rubbishes Paul Merson’s comments about Harry Kane’s future by comparing him to the best strikers he’s ever coached…

…and he’s coached some of the best strikers ever pic.twitter.com/QaDkSLFAJ8

— SPORTbible (@sportbible) June 22, 2020

Trajneri i Tottenhamit tha se në katër sezonet sa e kishte menaxhuar Drogbën, sulmuesi i kishte shënuar 186 gola. Megjithatë, Drogba i kishte shënuar gjithsej 164 në të gjithë karrierën e tij me Chelsean, ndërsa vetëm 73 prej tyre me Mourinhon.

Mourinho gjithashtu përdori statistika të pasakta kur foli për Zlatanin, pasi që tha se i kishte kaluar vetëm një sezon e gjysmë me sulmuesin veteran, përderisa me të kishte qenë për më shumë se 100 ndeshje përgjatë tre sezoneve.