Vedat Muriqi është përjashtuar nga ndeshja kualifikuese e kombëtares së Kosovës kundër Rumanisë.

Muriqi veçse kishte një karton të verdhë, ndërsa sonte mori karton të kuq pasi goditi me bërryl lojtarin kundërshtar, shkruan gazeta online Reporteri.net.

Kosova do ta vazhdojë pjesën e mbetur të lojës me një lojtar më pak.

Kujtojmë se ndeshja Kosovë-Rumani po përcillet me shumë tensione. Ajo u ndërpre për pak minuta për të vazhduar sërish pas thirrjeve nacionaliste të tifozëve rumunë “Kosova është Serbi”.

Pjesa e parë e ndeshjes ka përfunduar. /Reporteri.net/.