Edhe në Kroaci po përgatiten për të nisur aktivitetet futbollistike.

Me datë 30 maj do të luhen ndeshjet gjysmëfinale të Kupës së Kroacisë, ndërsa në datën 6 qershor do të zhvillohen takimet e para të pjesës së mbetur të sezonit.

Skuadra e Hajduk Splitit, ku luan mbrojtësi i Shqipërisë Ardian Ismajli i është nënshtruar kontrolleve të rrepta mjekësore.

Ditën e sotme, mjeku Ante Uriç ka marrë tamponë nga sekrecionet e hundëve të lojtarëve dhe të stafit teknik për të analizuar në mënyrë të vazhdueshme gjendjen shëndetësore të tyre.