Ndeshja e parë e së dielës në Serie A, mes Parmas dhe SPAL-it do të nisë në orën 13:45, plot 75 minuta më vonë seç ishte pritur, për shkak se u vendos përfundimisht që të mos pezullohet i tërë sezoni si pasojë e koronavirusit.

Lojtarët e Parmas dhe SPAL-it ishin në tunel rrugës për të dalë në fushën e stadiumit Tardini, për ta zhvilluar ndeshjen pa praninë e tifozëve, kur iu kërkua të ktheheshin në zhveshtore, transmeton Gazeta Express.

Gjyqtari u kërkoi lojtarëve të ktheheshin në zhveshtore sepse kishte marrë një telefonatë se ministri i Sportit dhe Federata e Futbollit e Italisë po mendonin ta pezullonin plotësisht sezonin në Serie A.

Por, pas 35 minuta vonesë, u mor vendimi që ndeshja të zhvillohet e bashkë me të edhe ndeshjet e tjera të kësaj jave në Serie A.

Takimi do të nisë në orën 13:45.

Takimet tjera që do të zhvillohen sot janë: Milan – Gernoa, Sampdoria – Verona, Udinese – Fiorentina, Juventus – Inter.