Nico Williams ia ka shprehur dëshirën për t’u bashkuar Barcelonës në afatin kalimtar të verës, raportoi gazetari i njohur spanjoll, Gerard Romero.

Sipas tij, talenti i Athletic Bilbaos i ka thënë gojarisht drejtuesve të klubit katalanas se dëshiron të veshë fanellën blaugrana sezonin e ardhshëm.

Kjo përputhet edhe me deklaratën e presidentit të Barcelonës, Joan Laporta, i cili gjatë ditës u shpreh: “Po punojmë për të sjellë një lojtar emocionues që kushton rreth 60 milionë euro dhe që kohët e fundit ka shprehur dëshirën për të ardhur te ne”.

Klauzola e lirimit të Nico Williams raportohet të jetë mes 58 dhe 60 milionë eurove – një shifër e arritshme për Barcelonën nëse zgjedh ta bëjë lëvizjen përfundimtare.

Me ardhjen e portierit Joan Garcia, dhe një afrimi potencial të Williams, Barça do të duket si një skuadër më e fortë për sezonin e ardhshëm, duke shtuar shpejtësi, kreativitet dhe cilësi në repartin ofensiv.