Spanjë-Kosovë, nis ndeshja – intonohet himni i shtetit tonë

Ka nisur loja ndërmjet Spanjës dhe Kosovës në Sevilla të Spanjës në kuadër të kualifikimeve për Kupën e Botës. Ajo çfarë u vërejt ishte intonimi i himnit të Kosovës në truallin e Spanjës, një nga vendet që nuk e kanë njohur pavarësinë e Kosovës.


Kosova e luan sonte ndeshjen e dytë të fazës kualifikuese për Kampionatin Botëror. Në ” Estadio La Cartuja de Sevilla” Spanja e pret Kosovën në takimin e parë mes tyre.

Kosova dhe Spanja bëjnë pjesë në Grupin B kualifikues për Botërorin 2022.

Bernard Challandes do të startojë me Ujkanin në portë.

Në qendër të mbrojtjes do të jenë Aliti, Dresevic dhe Vojvoda, kurse në krahë Kololli e Hadërgjonaj.

Në mesfushë do të jenë Kryeziu e Halimi, kuese Celina, Muriqi e Rashica do të jenë sulmues. Një ndryshim që vërehet është lënia jashtë e Arbër Zenelit.