Pa fitues ka përfunduar ndeshja e parë e gjysmëfinales mes Prishtinës dhe Dritës që u zhvillua në Lipjan, raporton gazeta online Reporteri.net.

Kjo ndeshja ka përfunduar pa gola teksa në pjesën e parë Prishtinës iu anulua një gol pas rishikimit në VAR.

Ishte Leotrim Kryeziu që realizoi golin në minutën e 24-t, por gjyqtari Genc Nuza pas rishikimit anuloi golin për lojë me dorë.

Gjysmëfinalja e dytë zhvillohet më 17 prill në Gjilan.

Ndërkaq në gjysmëfinalen tjetër Ballkani i është afruar finales së Kupës duke mposhtur me rezultat minimal rivalen lokale Suharekën.