Autobusi që barte lojtarët e Real Madridit drejt stadiumit në “Anfield” është sulmuar mbrëmë nga tifozët e Liverpoolit.

Mikpritja e tifozëve të Liverpoolit nuk ka qenë e këndshme për futbollistët e Real Madridit para ndeshjes së kthimit në Champions League që u zhvillua në “Anfied”.

Ata janë pritur me flakadanë dhe disa objekte janë hedhur kundrejt autobusit duke ia dëmtuar dritaret. Si rezultat i kësaj së paku një xham i madh është thyer dhe disa të tjerë të dëmtuar.

Kjo nuk i pengoi futbollistët e as dekoncentroi, që arritën të ruajnë rezultatin dhe të kualifikohen në gjysmëfinale të Ligës së Kampionëve.

Sfida e kthimit u mbyll 0-0, derisa të parën Reali e kishte fituar 3-1.

Në gjysmëfinale, Madridi i Zinedine Zidane do të ketë punë me Chelsean e Thomas Tuchel.

🔥 EL REAL MADRID, APEDREADO

😵 @jpedrerol alucina con la actitud de una niña… ¡UNA NIÑA! #JUGONES pic.twitter.com/8RUxqcAyUa

— El Chiringuito TV (@elchiringuitotv) April 15, 2021