Prishtina ka barazuar 1-1 me Dritën në derbin e xhiros së 30-të në Superligën e Kosovës

Ndeshja ishte shumë interesante dhe kishte rëndësi të madhe në garën për titull, shkruan Reporteri.net

Prishtina kaloi e para në epërsi në minutën e gjashtë me anë të Endrit Krasniqit që shënoi një gol të bukur pas asistimit të Armend Thaqit.

Drita në pjesën e dytë u rikthye fuqishëm duke kërkuar vazhdimisht golin e barazimit, të cilin e gjeti 10 minuta para se të përfundonte ndeshja.

Astrit Fazliu i pamarkuar në zonë nuk e pati të vështirë ta dërgonte topin në rrjetën e zbrazët.

Ky barazim më shumë i ka konvenuar Dritës që vazhdon të jetë lidere e Superligës, tani me 65 pikë, derisa Prishtina zë pozitën e katërt me 58 pikë. /Reporteri.net/