Pas rikthimit historik në Ligën e Kampionëve në mesjavë, Liverpooli me Xherdan Shaqirin e rikthyer në stol, është në ndjekje të një mrekullie tjetër, tani në Premierligë, pasditen e sotme.

Skuadra e Jurgen Kloppit bëri mrekullinë duke e mposhtur 4:0 Barcelonën në ndeshjen e kthimit gjysmëfinale në Champions, pasi e kishte humbur 3:0 të parën në Camp Nou. Të kuqtë përqendrimin e kanë sot në Premierligë, ku e ndjekin titullin ndaj Wolves.

Këtë herë, skuadrës së Kloppit i duhet vetëm një fitore me çfarëdo rezultati, por shpresat e të kuqve varet shumë edhe në Brightonin, i cili duhet ta ndalë liderin Manchester City të paktën me barazim, në mënyrë që Liverpoolit të shpallet kampion.

Wolves, megjithatë, është skuadër në formë të shkëlqyer momentalisht, pasi i ka fituar tri ndeshjet e fundit në ligë dhe e ka siguruar një vend në Ligën e Evropës sezonin e ardhshëm.

Por, Liverpooli shpreson në një mrekulli të dytë, në fitore ndaj Wolves dhe në dështim të Manchester City.

Liverpooli i është kthyer i lënduari Mohamed Salah, ndërsa Shaqiri do të ulet përsëri në stol.

Të gjitha ndeshjet e Premierligës, javës së fundit, nisin në orën 16:00.

Formacionet zyrtare:

Liverpool:

Wolves: