Edon Zhegrova e ka shpërblyer veten me një Ferrari F8 Tributo në ditëlindjen e tij të 24-të.

Futbollisti kosovar ka njoftuar në Instagram për dhuratën që ia ka bërë vetes të premten.

“Nuk ma bleu mami, as babi, e bleva vetë”, ka shkruar Zhegrova në story në Instagram.

Ferrari F8 Tributo është veturë që për herë të parë doli në treg në vitin 2019. Sot, kushton hiç më pak se 255 mijë euro.

Zhegrova ndërkohë te Lille fiton 1 milion e 200 mijë euro në vit. Ai ka kontratë me ekipin francez deri në vitin 2026.

Së fundmi, ai realizoi gol për Kosovën në barazimin 1:1 ndaj Andorrës, në kuadër të kualifikimeve për Euro 2024.