Manchester City ka shënuar fitore në ndeshjen e parë gjysmëfinale ndaj Real Madridit në Ligën e Kampionëve.

Ndeshja e zhvilluar sonte në “Etihad Stadium” dhuroi spektakël, pasi në total u shënuan shtatë gola.

Megjithatë, fitorja i takoi skuadrës së drejtuar nga Pep Guardiola me rezultatin 4:3.

Autori i golit të parë, Kevin De Bruyne, u vlerësua më së larti në këtë ndeshje, me notën 8.4. Përveç golit, mesfushori belg bëri edhe një asistim.

Karim Benzema, i cili shënoi dy gola sonte për “Los Blancos”, u vlerësua më së larti te skuadra e tij.

Sulmuesi francez mori notën 8.1.