Mijëra tifozë të Anglisë janë mbledhur jashtë stadiumit “Wembley” përpara finales së mbrëmjes së sotme të Kampionatit Evropian Euro 2020 dhe policia tani po i bën thirrje kujtdo që nuk ka bileta të mos udhëtojë atje.

Policia Metropolitane tha se zona e Wembleyt është jashtëzakonisht e stërngarkuar dhe oficerët janë duke u përballur me turma të mëdha njerëzish për t’i mbajtur ata të sigurt.

Rreth 60 mijë tifozë do të jenë të pranishëm në stadium për të parë ndeshjen finae ndërmjet Anglisë dhe Italisë e cila fillon nga ora 21:00.