×
  • Sport
  • Sport

    Portieri shqiptar mund të zëvendësojë Ramsdalen tek Arsenali

    Reporteri
    27 Shkurt 2024 | 10:39

    Arsenali raportohet se ka shprehur interesim për portierin shqiptar të Ajaxit, Diant Ramaj, të cilin e sheh si zëvendësues të Aaron Ramsdale.

    Menaxheri i klubit londinez i ka besuar më shumë të huazuarit David Raya dhe që nga muaji shtator, Ramsdale është paraqitur vetëm pesë herë, përcjell gazeta online Reporteri.net.

    Sipas gazetarit Steve Kay, Arsenali e admiron portierin me prejardhje nga Kosova, i cili është portier i parë tek Ajaxi.

    Ramaj është paraqitur në 21 ndeshje.

    “Arsenali e ka pëlqyer edhe kur ishte te Eintracht Frankfurti. Është i mirë me topin, diçka që Arteta e dëshiron. Ai gjithashtu është i mirë me topat e gjatë dhe mund të shërbejë si portier i dytë tek Arsenali”, ka thënë gazetari Kay.

    “Ramaj është gjithashtu pritës i mirë i gjuajtjeve. Nuk frikësohet të dalë edhe për harkimet. Më kanë thënë se mund të kushtojë 15 milionë euro”, ka shtuar ai.

    Ramaj ka kontratë me Ajaxin deri në fund të sezonit 2027-28.

     

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!