Skuadra e Prishtinës ka shënuar fitore bindëse 3:0 ndaj Lirisë së Prizrenit, dhe kështu ka mbetur në luftë për titull, shkruan Reporteri.net.

Pas 36 minutash lojë mesfushori Ergyn Ahmeti kaloi vendasit në epërsi 1-0 me të cilin rezultat ekipet shkuan në pushim.

Me të filluar pjesa e dytë, Meriton Korenica realizoi për 2-0 në minutën e 51-të. I njëjti lojtar shënoi për rezultatin final 3-0 në minutën e 68-të.

Prishtina pas fitores së këtyre tre pikëve renditet në pozitën e dytë me 56 pikë, tri më pak se Feronikeli që është e para.

Kurse Liria zë vendin e 11-të me 24 pikë dhe rrezikon jashtëzakonisht rënien nga Superliga. /Reporteri.net/.