Pas dy ndeshjeve të së martës, sonte do të zhvillohen dy çerekfinalet tjera të Ligës së Kampionëve.
Kryendeshja e natës zhvillohet në tokën franceze, aty ku Paris Saint-Germani e pret Barcelonën.
Në këtë fazë, Parisi erdhi pasi e mbylli grupin në pozitën e dytë, derisa më pas në fazën tjetër eliminoi Real Sociedadin.
Në krahun tjetër, Barcelona e mbylli grup e saj si lidere, kurse eliminoi në 1/16 skuadrën e Napolit, shkruan “Gazeta Express”.
Në ligat shtetërore, PSG është afër titullit kampion, ndonëse jo me formë të lartë siç jemi mësuar ta shohim, kurse katalunasit kanë luhatje të formës, derisa janë tetë pikë larg liderit në Spanjë.
Sfida tjetër e natës në Ligën e Kampionëve do të jetë mes Atletico Madridit e Borussia Dortmundit.
Spanjollët e mbyllën grupin si lider, e të njëjtën e bën edhe Dortmundi në grupin e vet.
Sa i përket fazës së eliminimit, Atletico rrëzoi Interin pas penalltive, derisa gjermanët PSV Eindhoven.
Të dy sfidat e sontme do të nisin nga ora 21:00.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.