Prishtina e mposhti Ballkanin me rezultat 2-1 në kuadër të javës së 18-të në Superligë

Në minutnë e 90-të ishte një penalti diskutabile e dhënë nga gjyqtari Tefik Maloku në të mirë të Prishtinës, shkruan Reporteri.net

Pas ndeshjes, trajneri i Prishtinës, Zekirija Ramadani tha se penaltia ishte e drejtë dhe gjithashtu ishte i kënaqur me kontributin që e dhanë futbollistët e tij.

“Penalltitë në minutat e fundit lënë gjithmonë hapsire për trajnerët që pësojnë që të mendojnë se ndoshta nuk ishte penallti, nga vendi ku qendrova unë e pashë që kishte tërheqje ndaj Kryeziut në zonë. Në pjesën e parë e patëm më të vështirë pasi që na bëri të vështirë punën Ballkani në fillim, e në pjesën e dytë ndryshuam skemën duke krijuar rastet e tona”

“Jam i kënaqur me kolektivin pasi dhamë maksimumin dhe arritëm të fitojmë kundër Ballkanit që nuk është aspak e lehtë. Dua të themë se shumë e vështirë ka qenë ndeshja me Besën e as që dua të flas se sa do jetë e vështirë me Dritën,” ka thënë Ramadani pas ndeshjes. /Reporteri.net/