Reagon Ernesto Valverde pas humbjes turpëruese nga Levante

Barcelona u mposht 3-1 nga Levante, aty ku luan edhe futbollisti shqiptar, Enis Bardhi


Barcelona zhgënjeu me paraqitjen ndaj Levantes, e cila mposhti kampionen e La Ligës me një rikthim nga 0-1 në 3-1, shkruan Reporteri.net

Ernesto Valverde pas ndeshjes ka daklaruar se skuadra e tij kërkonte golin e dytë të sigurisë, por nuk ishin mjaftueshëm të mirë sot për ta bërë një gjë të tillë.

“Mungesë reagimi pas 3:1? Nuk e di… besoj se ata kanë qenë më të suksesshëm sesa ne. Deri tek goli i parë ne kishim kontrollin e lojës, edhe pse jo kontrollin total,” ka thënë Valverde.

“Qëllimi ynë që nga pjesa e dytë ishte që të shkojmë për një gol tjetër, por ne nuk krijuam shanse sa duhet për të shënuar. Loja nuk ishte stabile dhe ne nuk menduam se fituam me 0:1”.

“Vendimi për ta lënë Dembelen në Barcelonë ishte i imi. Unë kam vendosur për këtë, ai do të ketë shanse të tjera,”./Reporteri.net/