Skuadra e Real Madridit ka vendosur në radarin e saj mbrojtësin e krahut të skuadrës së Chelsea, përcjelll Reporteri.net.

Bëhet fjalë për Antonio Rudiger, për të cilin Marca raporton se klubi i Los Blancos është duke përgatitur një ofertë për të ditët e ardhshme.

Mbrojtësi gjerman pritet të largohet si lojtar i lirë nga Chelsea pas përfundimit të sezoni, pasi edhe kontrata e tij skadon më 30 qershor.

Sipas “Fichajes”, Real Madridi po përgatitet t’i ofrojë Rudigerit një kontratë tre-vjeçare, me pagë prej 10 milionë eurove në sezon.

Megjithatë, klubi spanjoll nuk pritet ta ketë të lehtë transferimin e tij.

E, për reprezentuesin gjerman raportohet se interesim ka shprehur edhe Barcelona, Manchester United, Juventus dhe Paris Saint-Germain.