×
  • Sport
  • Sport

    Reali e gjen pasardhësin e Toni Kroosit përsëri në Gjermani

    Reporteri
    17 Dhjetor 2020 | 23:42

    Toni Kroos është futur në vitin e pestë të tij si një futbollist i Real Madridit.


    Por mesfushori fantastik gjerman është në perëndim të karrierës së tij, pasi muajin e ardhshëm i mbush 31 vite.

    Real Madridi tanimë ka filluar të mendojë për zëvendësuesin e gjermanit dhe e ka gjetur atë në Bundesliga.

    Fjala është për mesfushorin e Borussia Moenchegladbach, Florian Neuhaus i cili është duke kaluar nëpër një formë fantastike.

    23-vjeçari që luan si mesfushor organizator ka shkëlqyer këtë edicion, ku në 18 takime ka shënuar katër gola e ka bërë katër asistime.

    Los Blancos janë duke e përcjell prej kohësh lojtarin dhe mediat spanjolle kanë raportuar se drejtuesit e ekipit madrilen kanë biseduar me ata të Gladbach për lojtarin në dy ndeshjet që ekipet i kanë zhvilluar në fazën e grupeve në Ligën e Kampionëve.

    Real Madrid është gati të shpenzojë deri në 50 milionë euro për transferimin e mesfushorit gjerman.

    Por transferimi i tij nuk do të jetë aspak i lehtë, pasi në garë për të është edhe kampioni në fuqi i Gjermanisë dhe Evropës, Bayern Munich.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!