Real Madridi duket se e ka ndërruar mendjen dhe nuk dëshiron ta mbajë më Eden Hazardin.
Sipas portalit italian “Calciomercato”, “Los Blancos” duan t’i shkurtojnë harxhimet dhe humbjet dhe ta shesin gjatë kësaj vere yllin belg.
31 vjeçari ka hasur në probleme fizike dhe të formës së zbehtë që kur i ishte bashkuar klubit mbretëror spanjoll.
Ai ka premtuar se në edicionin 2022/23 do ta shohim Hazardin e vërtetë, por që nuk dihet nëse do t’i jepet kjo mundësi ish-futbollistit të Chelseat.
Në të kaluarën spekulohej se përfaqësuesi belg mund të kthehej në Premierligë, ku e donte pikërisht klubi londinez.
Mbetet të shihet nëse do të ketë lëvizje në ditët në vazhdim për ish-futbollistin e Lillet, i cili e kishte arritur kulmin e karrierës në Angli, ku ishte bërë njëri prej futbollistëve më të mirë në botë.
Fjalën e fundit do ta thotë trajneri Carlo Ancelotti, i cili do të tregojë nëse i nevojitet apo jo belgu në sezonin e ardhshëm.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.