Rigoni i Kosovës, pjesë e Top 5 lojtarëve më të mirë të “Majorit” në CS:GO

Bad News Eagles po e bëjnë namin në Majorin e CS:GO, i cili po mbahet në Rio de Janeiro.

Ekipi shqiptar i regjistroi tri fitore nga po aq lojë dhe si rezultat i kësaj u kualifikua në “Legends Stage”, në mesin e ekipeve më të mira të botës.

E meritat më të mëdha për suksesin e arritur në fazën “Challengers Stage” i kishte pa dyshim lojtari Rigon Gashi, i njohur me pseudonimin “rigoN”, shkruan “Gazeta Express”.

The TOP 5 HIGHEST Rated Players from #IEM Rio so far:

🇷🇺 #1 @sh1rocsgo | 1.52
🇧🇷 #2 @kscerato | 1.46
🇮🇱 #3 @xertioNNCSGO | 1.41
🇷🇺 #4 @degsterof | 1.41
🇨🇭 #5 @rigoNcs | 1.38 pic.twitter.com/1j9l3uOaVh

— BetwayCSGO (@BetwayCSGO) November 2, 2022

Lojtari kosovar është njëri prej më të vlerësuarve deri tash në “IEM Rio Major.”

Madje, Rigoni është përfshirë në Top 5 lojtarët e deritashëm në “Majorin” e Brazilit.

Ai e ka marrë vlerësimin 1.38 dhe gjendet më saktësisht në vendin e pestë, duke përfunduar prapa lojtarëve të njohur dhe të mëdhenj si degster, xertioN, kscerato dhe sh1ro.

Krenaria e popullit shqiptar, Bad News Eagles synojnë të jenë të suksesshëm edhe tek legjendat, ku tashmë janë pjesë e tyre.