Cristiano Ronaldo e pati një eksperiencë mjaft negative në rikthimin e tij në Manchester United.

Por, ylli portugez e riktheu buzëqeshjen pas transferimit në Arabinë Saudite.

Ndonëse në një vend ku niveli i futbollit është dukshëm më i dobët, veterani e fitoi trofeun e parë në Lindjen e Mesme pas pritjes prej dy vjetësh, shkruan “Gazeta Express”.

38 vjeçari i gëzoi tifozët e Al-Nassr, me të cilin e fitoi Kupën e Kampionëve të Klubeve Arabe, derisa i shënoi dy gola në finale edhe pse ekipi i tij ishte me një lojtar më pak kundër Al-Hilal.

Ronaldo luajti së bashku me yjet tjerë Sadio Mane, Marcelo Brozovic e Alex Telles për Al-Nassr, kurse tek Al-Hilal luajtën yjet tjerë që u transferuan gjatë verës si Kalidou Koulibaly, Ruben Neves e Sergej Milinkovic-Savic.

Ish-futbollisti i Sporting Lisbonës, Real Madridit, Juventusit e Manchester Unitedit e pati me të vërtetë një vit të paharrueshëm pasi ishte golashënuesi më i mirë i 2023-ës me 54 gola.

Ai po ashtu u bë lojtari më i vjetër në histori që i shënoi 10+ gola me ekipin kombëtar brenda një viti kalendarik.

Ronaldo është futbollisti më i paguar në botë pasi rroga e tij vjetore është 200 milionë euro.