Cristiano Ronaldo është duke marrë masa aktive për ta mbrojtur familjen e vet nga koronavirusi.

Asi i Juventusit e ka postuar një video në llogarinë e vet zyrtare në Instagram, ku shihet duke i mësuar fëmijët sesi t’i mbajnë të pastra duart, në përpjekje për ta luftuar këtë pandemi, transmeton Gazeta Express.

Përfaqësuesi i Portugalisë ua ka kujtuar vazhdimisht ndjekësve të vet në rrjetet sociale që t’i ndjekin udhëzimet e Organizatës Botërore të Shëndetësisë për ta minimizuar rrezikun e infektimit me Covid-19.

Këshilla e parë që autoritetet shëndetësore janë duke e dhënë më së shpeshti është pastrimi i duarve me sapun dhe ujë, apo me alkool dhe Ronaldo është duke e bërë punën e vet për t’u siguruar se fëmijët e vet e dinë çfarë bëjnë.

35-vjeçari shihet duke u dhënë udhëzimeve tre fëmijëve të vet, të cilët shihen të ulur në karrige, sesi t’i pastrojnë duart.

Në fund, Ronaldo u thotë atyre “ju lumtë”.

Cristiano Ronaldo teaches his kids how to #staysafe from coronavirus by washing their hands ?

(?: IG/cristiano) pic.twitter.com/HTmF18RMhE

— Goal (@goal) March 21, 2020