Situata e Cristiano Ronaldo nuk duket të jetë më e mira e mundshme.

Ylli portugez nuk është paraqitur dje në stërvitjet e klubit, pasi kishte lajmëruar për disa probleme në familje.

Sipas raportimeve të ‘Athletic’, Cristiano nuk pritet të paraqitet as sot në stërvitje.

Kjo do të jetë dita e dytë radhazi që portugezi nuk del në stërvitjet e Man United.

Lojtari ndërkohë vazhdon të lidhet me një largim të mundshëm nga ‘Old Trafford’.

E ardhmja e pesë herë fituesit të Topit të Artë vazhdon të mbetet e paqartë.