Izolimi për shkak të emergjencës së koronavirusit në Europë po vazhdon të zgjasë dhe shume njerëz që kanë ditëlindjen gjatë kësaj periudhe duhet t’a festojnë në shtëpinë e tyre dhe pa praninë e miqëve.

E njëjta situatë është edhe me futbollistët që kërkojnë të gjejnë mënyra të ndryshme për t’i bërë sa më pak të mërzitshme ditëlindjet e tyre. Një zgjidhje vërtetë të veçantë ka gjetur Sami Khedira.

Në foton e publikuar në Instagram, ai shfaqet duke e festuar ditëlindjen e tij të 34-t me 6 “Sami Kedira” të tjerë, përcjell GazetaBlic.

Një vendim mjaft i veçantë dhe kreativ për Khedirën, i cili ka vendosur ta punësojë njërën nga “sozitë” e tij si kamarier.Sigurisht është një foto e përpunuar, por me shumë mjeshtëri.

Si Khedira ka edhe të tjerë që festojnë ditëlindjet në këtë periudhë të vështirë karantinimi. Mesazhi i gjermanit për ata është që mos të mërziten sepse vetja nuk ju lë kurrë vetëm.