Mesfushori shqiptar Xherdan Shaqiri ka folur pas humbjes së Zvicrës nga Spanja.

Spanja u kualifikua në gjysmëfinale të “Euro 2020” pasi mposhti Zvicrën pas ekzekutimit të penalltive.

Protagonisti kryesor i Zvicrës në këtë Kampionat Evropian ishte si gjithmonë Shaqiri, i cili e mbylli këtë ‘Euro’ me tre gola të shënuar prej të cilëve njërin e realizoi sot ndaj Spanjës dhe dy të tjerë kundër Turqisë.

Mesfushori ka dhënë një deklaratë të shkurtër pas ndeshjes ku tha:

“Unë jam me të vërtetë krenar për ekipin. Penalltitë janë çështje fati 50-50. Unë isha nervoz duke parë gjuajtjet e tyre, mendoj se thjesht na ka munguar pak fati sot”.