Para se të fillonte Koronavirusi dy yjet e Kombëtares së Kosovës po shkëlqenin dhe vlera e tyre në treg rritej dita ditës, por tani gjërat kanë ndryshuar

Werder Bremen dhe Fenerbahce shikonin mundësitë që t’i shisnin sa më shtrenjtë yjet e Kosovës, por tani do ta kenë shumë të vështirë pas kësaj krize të Koronavirusit, shkruan Reporteri.net

Rashica që kushtonte 35 milionë euro sipas Transfermarkt, tani vlera e tij ka rënë në 28 milionë.

Ndërkaq, Muriqi që po shkëlqente te Fenerbahce i ka rënë vlera në 9.5 milionë euro, derisa para Koronavirusit vlente 12 milionë, gjithnjë duke iu referuar faqes Transfermarkt, që merret me vlerat e futbollistëve.

Ndryshe, për dyshen kosovare ka shumë klube të interesuar dhe gjatë verës Miloti dhe Vedati mund edhe të ndërrojnë ambient për të kaluar në klube më të mëdha. /Reporteri.net/