Komentet e fundit të Lionel Messi kanë vënë edhe një herë në qendër të vëmendjes marrëdhëniet e tij me Barcelonën, pikërisht kur u duk se ato ishin vënë në vend.

Gjashtë herë fituesi i Topit të Artë është kthyer në Barcelonë pas paraqitjeve të mira me Argjentinën, ku mundën Perunë 2:0 në kualifikimet për Kupën e Botës.

Në aeroportin e Barcelonës, i rrethuar nga fotoreporter e gazetar, Messi ka bërë një deklaratë e cila tregon se situata e tij në ‘Camp Nou’ nuk është e mirë.

“E vërteta është se unë jam i lodhur duke qenë problemi për gjithçka në klub”, ka deklaruar Messi.

Nuk dihet nëse kjo përgjigje e Messit i referohet reporterit që i parashtroi pyetjen në lidhje me deklaratat e agjentit të Antonie Griezmann apo kanë të bëjnë me Barcelonën.