Kombëtarja e Shqipërisë ka shënuar fitore prej 2 me 0 në “Elbasan Arena” ndaj Moldavisë.
Pjesa e parë përfundoi pa gola, por në të dytën kombëtarja shqiptare realizoi dy herë për të marrë 3 pikë tejet të rëndësishme, shkruan Reporteri.net.
Së pari shënoi Sokol Cikalleshi nga afërsia në minutën e 66 pas asistimit nga Roshi.
Ndërsa në minutën e 90+3 Ylber Ramadani shënoi një gol shumë të bukur, të parin në fanellën e Shqipërisë.
Kjo është fitorja e parë e trajnerit Edi Reja me kombëtaren shqiptare. /Reporteri.net/.