Shqipëria e ka shënuar një fitore tejet me rëndësi ndaj Polonisë, dhe ka bërë një hap të madh drejt Kampionatit Evropian “Euro 2024”.

Jasir Asani kaloi Shqipërinë në avantazh në minutën e 38-të falë një eurogoli nga distanca, me të cilin ekipet shkuan në pushim.

Golin e dytë dhe të fitores për Shqipërinë e realizoi sulmuesi gjilanas Mirlind Daku në minutën e 62-të, vetëm një minutë pasi u inkuadrua në lojë.

Vlen të theksohet se mbi 20 mijë shikues ishin të pranishëm në “Air Albania”.

Shqipëria pas kësaj fitore është lidere e grupit me 10 pikë të grumbulluara, e dyta Çekia me 8 pikë, po aq sa Moldavia, ndërsa Polonia është e parafundit me gjashtë pikë, kurse e fundit Ishujt Faroe me vetëm një pikë.

Shqipëria më 12 tetor do të luan ndeshjen e radhës me Çekinë në “Air Albania”. /Reporteri.net/.