Federata e Futbollit e Kosovës (FFK) para disa ditëve e ndau një pako emergjente me ndihmë financiare për futbollistë, trajnerë dhe gjithë punonjësit tjerë të futbollit kosovar që është goditur keq nga koronavirusi.

Kjo pako emergjente e FFK-së ishte më e mbushur sesa pakoja e Federatës Shqiptare të Futbollit që e shpërndau në Shqipëri, raporton Gazeta Express.

Vetëm kaq në Kosovë sa i përket përkrahjes për futbollistë, të cilët janë karantinuar qe disa javë shkaku i masave të ndërmarra nga shtetit.

Futbolli në Kosovë e ka ndërprerë çdo aktivitet prej 13 marsit, kurse lojtarët po stërvitin individualisht në kushte shumë të vështira – nëpër oborret e shtëpive të tyre, kurse ata që jetojnë nëpër pallate e kanë edhe më problem pasi parqet janë të mbyllura dhe lëvizja mbetet e kufizuar, shkruan Gazeta Express.

Në Kosovë prej ndërprerjes së kampionatit nga koronavirusi me futbollistë komunikojnë përmes rrjeteve sociale vetëm trajnerët e tyre, të cilët mundohet t’i këshillojnë djemtë se çfarë ushtrimesh të bëjnë nëpër shtëpitë e tyre.

Ndërsa, Shqipëria i ka dhënë leksion Kosovës. Situata me koronavirus është e njëjtë edhe nëm Shqipëri, ku futbolli është ndërprerë moti, ndërsa shteti po aplikon masa të rrepta mbrojtëse.

Duke e ditur se futbollistët e futbollit shqiptar kanë mbetur të izoluar FSHF çdo ditë e realizon dhe e publikon nga një video në ueb faqen e vet zyrtare dhe në rrjetet socialeme këshilla profesionale se çfarë ushtrimesh duhet të bëjnë lojtarët e karantinuar në shtëpitë e tyre. Këtë FSHF po e bën qe 23 ditë rresht.

https://youtu.be/0rdQxJXFaUE