Ish-mbrojtësi i Gjermanisë, Andreas Brehme, i cili realizoi golin e fitores në finalen e Kampionatit Botëror të vitit 1990, ka vdekur në moshën 63-vjeçare, raporton BBC.

Brehme realizoi nga penaltia për t’ia siguruar Gjermanisë fitoren kundër Argjentinës.

Ai kishte realizuar 86 paraqitje për Gjermaninë dhe fitoi titujt e ligës me Kaiserslauternin, Bayern Munichun dhe Interin.

Familja ka njoftuar se ai vdiq pas sulmit në zemër.