Një video e Romelu Lukakut duke simuluar për një duel me një nga futbollistët e Romës është duke u shpërndarë në rrjetet sociale.

Sulmuesi belg i Interit gjatë një momenti të ndeshjes u mundua të kalonte futbollistin kryeqytetas nga ana e djathtë, por që nuk ia arriti qëllimit duke bërë kështu të rrëzohej në tokë duke simuluar për një goditje të lirë.

Gjyqtari i përballjes ishte afër dhe pa gjithçka dhe ai vendosi që loja të zhvillohej. Ndyshe, Roma dhe Interi kanë ndarë pikët në “Olimpico” pasi luajtën 2:2 pas 90 minutave.

Roma është në vendin e tretë në Serie A me 34 pikë, tri më pak se Interi që zë pozitën e dytë.