×
  • Sport
  • Sport

    Takohen Sarri – Ronaldo, portugezit i propozohet një pozitë e re në fushë

    Reporteri
    22 Qershor 2019 | 17:12

    Maurizio Sarri e ka marrë drejtimin e Juventusin dhe njëra ndër punët e tij të para në pozitën e trajnerit ishte ta zhvillonte një takim me yllin e skuadrës, Cristiano Ronaldon.


    Ish-trajneri i Napolit dhe Chelseat është kthyer në Serie A pas një sezoni në Premierligë në Stamford Bridge. Ai e ka trashëguar një skuadër plot yje të lënë në Torino nga Massimiliano Allegri.

    Sarri dëshiron që të sigurohet se të gjithë në skuadër janë në pajtim me planin e tij për sezonin 2019/20 në mënyrë që të mos i ketë problemet në skuadër që i kishte sezonin e kaluar në Chelsea.

    Ronaldo do ta luajë një rol shumë të rëndësishëm në skuadrën e Juventusit sezonin e ardhshëm dhe trajneri i tij e bëri një udhëtim të veçantë për t’u takuar me portugezin. Sarri e vizitoi Ronaldon në rivierën franceze të premten.

    Drejtori sportiv, Fabio Paratici, ishte gjithashtu i pranishëm në këtë takim, ku u zbulua plani i bardhezinjve për sezonin e ardhshëm.

    Pjesa kryesore e këtij takimi ishte propozimi i Sarrit që Ronaldo të luajë në pozitën e qendërsulmuesit gjatë sezonit të ardhshëm, pasi që ai e do portugezin brenda 16-metërshit gjatë gjithë kohës për të shënuar sa më shumë gola.

    Megjithatë ende nuk dihet nëse Ronaldo pajtohet me këtë vizion të ri, pasi që ai në të kaluarën e kishte refuzuar këtë pozitë në Real Madrid. Portugezi preferon të luajë në një rol më të lirë në fazën e sulmit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!