Manchester Unitedi ka marrë vendim për shkarkimin e Erik ten Hagut sapo të përfundojë sezoni 2023-24.
54-vjeçari ka kontratë me klubin anglez deri në qershorin e vitit të ardhshëm, mirëpo kanë nisur spekulimet për të ardhmen e tij për shkak të formës së dobët gjatë këtij sezoni.
Në fillim të javës Unitedi u poshtërua nga Crystal Palace me rezultat 4 me 0 dhe pozicionohet në pozitën e tetë në tabelë.
Mirëpo “Djajtë e Kuq” ende mund të fitojnë trofe sepse janë në finale të Kupës FA përballë Manchester Cityt. Kjo ndeshje zhvillohet më 25 maj.
Sipas Football Insider, vendimi për ta liruar nga detyra holandezin do të bëhet i ditur në fund të sezonit.
Në raport thuhet se as fitorja ndaj Cityt në Kupë nuk do ta ndalë Unitedin që ta shkarkojë Ten Hagun nga detyra e kryetrajnerit.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.