Një deklaratë e Ismet Munishit ka nxitur reagimin ndaj tifozëve kosovarë të Arsenalit.

Ai tha se tifozët e Arsenalit janë më të poshtrit që mund të ekzistojnë.

“Unë e kam pa që tifozët e Arsenalit janë ma të poshtrit që mujnë me ekzistu dikun. Unë e kam pa çka i kanë ba Granitit, sa që Arsenali është detyru, e ka qit një postim mos abuzoni me neve”, ka deklaruar Munishi.

Pas kësaj deklarate kanë reaguar tifozët kosovarë të Arsenalit.

Ata i vlerësuan të papranueshme deklaratën e trajnerit të Gjilanit

“Fan Klubi i tifozëve të Arsenalit në Kosovë, i vlerëson të papranueshme deklaratat e trajnerit kosovar, Ismet Munishi.
Mbrëmë në një emision ai tha: “ma tifozë t’poshtër se qata te Arsenalit nuk ka”.
Futbolli është sport që bashkon njerëz, e jo që ndanë. Tifozët janë ata që shkojnë pas klubit pa asnjë përfitim, bile humbasin. E trajnerët pasurohen. Ky është dallimi!
Arsenal Kosovo Supporters Club vlerëson se dekaratat e tilla nga një trajner i njohur janë të ulëta dhe të paarsyeshme.
Të poshtër apo jo, tifozët e Arsenalit kanë punuar kundër kurdisjeve e shitjes së ndeshjeve. Përderisa dikush, vetëm i ka shtyrë përpara këto dukuri. Madje, është zënë me “pelë për dore”.
Kursejeni veten nga ofendimet dhe komentet e ulëta”, thuhet në reagim.