Skuadra spanjolle, Barcelona mbrëmë është eleminuar nga Europa Liga, teksa skuadra gjermane e Frankfurtit kishte triumfuar në “Camp Nou”, përcjell Reporteri.net.

Katalunasit u mposhtën në shtëpinë e tyre me rezultat përfundimtar, 2-3.

Veç humbjes, klubi spanjoll është i shqetësuar edhe për “vërshimin” e tifozëve të skuadrës gjermane, ku në stadium në Barcelonë ishin mbi 300 mijë sosh.

Klubi kataluanas ka hapur një hetim të brendshëm për të zbuluar se si ishte e mundur që 30,000 tifozë të Eintracht Frankfurt të futeshin në Camp Nou.

Skuadra gjermane kishte në dispozicion vetëm 5000 bileta për ndeshjen e nesërme, por që në stadiumin e Barcelonës dukej atmosferë me aromë gjermane. Ka pasur disa faktorë për të cilat dyshohet se ka ardhur te mbushja e stadiumit me gjermanë.

Një nga mundësitë që shfrytëzuan tifozët gjermanë ishte edhe blerja e biletave nga tifozët spanjollë. Në xhirimet e shitjes së biletave janë parë gjermanët në prapavijë duke blerë biletat nga ata spanjollë.

Tifozët e Frankfurt u treguan të zgjuar duke shfrytëzuar edhe zonën turistike të stadiumit duke u shtirur si turistë dhe duke siguruar bileta në forma të ndryshme.