Dyshja e Tottenhamit, Son Heung-Min dhe Steven Bergwijn janë lejuar të kthehen në vendet e tyre për arsye personale, ndërsa sezoni i Premier League është pezulluar për shkak të pandemisë koronavirus.

.Klubi i Tottenhamit me anë të ​​një deklarate ka konfirmuar se Son ka udhëtuar në Korenë e Jugut, ndërsa Bergwijn ndodhet në Hollandë në pritje të lindjes së fëmijës së tij.

Bergwijn është rduke u rikuperuar nga një dëmtim që nga 7 marsi, ndërsa Son ka shënuar nëntë gola në 21 paraqitjet e tij në Premier League këtë sezon, por nuk ka luajtur që nga shkurti.

Ai theu krahun e djathtë gjatë fitores ndaj Aston Villa dhe do të vazhdojë shërimin e tij në Korenë e Jugut.