Kapiteni legjendar i Romës, Françesko Toti, i ka befasuar të gjithë me rrëfimin e tij, teksa ka zbuluar se martesa me Iari Blasin kishte qenë afër fundit për shkak të një maceje.

Toti, i cili u martua në vitin 2005, kishte mbetur i befasuar kur gruaja e tij vendosi që të sjellë në shtëpi një kafshë shtëpiake.

“Isha i acaruar me gruan time, ajo bleu një mace pa qime dhe e quajti Donna Paola. Netëve, insistonte që të flinte brenda shtratit tonë, afër këmbëve tona. Ajo është një mace shumë e dashur, por pothuajse na shkaktoi ndarjen. Ne nuk folëm për disa ditë, por në fund, edhe unë rashë në dashuri me macen”, u shpreh italiani.