Bayern Munich ka kaluar në finale të Ligës së Kampionëve pasi mposhti Lyonin 3-0

Bavarezët treguan një tjetër paraqitje të madhe në Ligën e Kampionëve dhe me meritë janë kualifikuar në finale ku do të përballen me PSG-në, shkruan Reporteri.net

Trajneri i Bayernit, Hansi Flick pas ndeshjes ka përgëzuar Lyonin si dhe ka vlerësuar lartë PSG-në.

“Ne e dinim që do të ishte e vështirë. Ata vinin pas shfaqjeve të shkëlqyera kundër Cityt dhe Juventusit,” ka thënë Flick.

“Ata janë të fortë taktikisht dhe na kanë shkaktuar probleme në fillim. Ne e dimi se duhet të mbrohemi më mirë.

“Paris është një ekip i shkëlqyeshëm, ata luftuan në gjysmëfinale dhe më pas arritën finale. Ne do të analizojmë disa gjëra, e dimë se ata kanë lojtarë të shpejtë,”.

Kujtojmë që finalja Bayern Munich – PSG do të zhvillohet të dielën më 23 gusht. /Reporteri.net/