Lamine Yamal ka realizuar një nga golat më të bukur të Evropianit, duke barazuar rezultatin në 1 me 1.

Yamal me një gjuajtje nga distanca mposhti portierin Mike Maignan duke hyrë në histori si lojtari më i ri në moshë që realizon në ndonjë Evropian. Ai realizoi si 16-vjeçar.

Ndërkaq, po zhvillohej minuta e tetë kur Ousmane Dembele pasoi te Kylian Mbappe, i cili me një harkim gjeti sulmuesin Randal Kolo Muani që realizoi golin që theu akullin për Francën. Ky është goli i parë i Francës nga loja e hapur pas më shumë se 500 minutave.

Teksa Spanja rrezikoi në minutën e pestë.

Lamine Yamal harkoi në zonë, por nga afër mesfushori Fabian nuk arriti të realizonte me kokë.

Franca hyri në këtë takim me më shumë se 500 minuta pa realizuar gol nga loja e hapur. Kylian Mbappe ka realizuar vetëm një gol dhe atë nga penalltia ndaj Polonisë në fazën grupore.

Stop that Lamine Yamal. pic.twitter.com/WNuax2D0FF

— Stop That Football (@stopthatfooty) July 9, 2024